拒絕了博士 - 第二回

前提: 你知道由九龍塘步行到黃大仙有多遠嗎??

今晚博士再次誠意邀請我一同坐車回家, 還在一眾同學面前說我上星期拒絕他的事情, 弄得大家都紛紛前來問我是否真的拒絕了他?!?

幸好我今天穿converse...又不好意思再拒絕他, 於是就上當了!!
一起步先是上山 (即沿浸大那條斜路), 再過x條馬路, 接著一路落斜, 又穿過幾個屋苑和一間廟宇, 終於到達了巴士站!! 才驚覺原來我們已經行到黃大仙!!!! 這時心想...唔係麻???!?! 由於途中遇到另一位男同學一同步行到巴士站, 我們一路行一路傾, 都唔記得o左幾耐...
結果是全身都是汗, 但當博士問我: 「唔係好辛苦o者, 可?」我係答佢:「唔辛苦, ok la! ^^"」

故事未完... 最後結果不是坐259c, 而是坐61x到豐景園, 然後要再轉小巴回家! 到小巴站好多人冇小巴, 又剛剛有部泥猛的兜客, 於是就跳o左上去...結果係比我等半小時再搭校巴回家早了『5』分鐘! 但車錢是$11.7 (巴士) + $10 ($5x2位), 但我搭校巴都只不過$16 o乍!!

滿以為跟他的對話會蠻學術, 但一路上博士不停詢問一些個人問題, 例如: 我在那間公司工作? 管幾多人? 住邊個屋苑? 是否跟家人同住? 男朋友做咩工作? 我搭車係咪唔使錢?? 還有Shirley點解冇讀?? 等等...... 等等....

還有沿途他提議下次跟我一同等校巴, confirm o左四次約定, 我下車前還說: 「靚女下次一齊答車喇!」我可以點答?!? 你話呢?

後記:
雖然以上內容是100%真確, 但我想博士是一個熱情的好人, 應該沒惡意的!