小肥牛之夜

昨晚和友人吃本年最後的晚餐, 因為她要到加拿大小休一段日子, 地點是小肥牛。
小肥牛是元朗一間出名的火煱店, 跟小肥羊完全無關, 是獨立經營的地道店舖。
好友就是為了離開前再吃那個白菜豬肉餃而來, 六隻大食怪的食糧真的很可怕呢!!

餐單如下:
前菜: 唔係三文魚魚生刺身 (條魚好似叫石紅, 據悉有八斤幾重, 當然我們只吃了其中一部份)
湯底: 四川麻辣 + 芫茜皮蛋 (本來好想吃火焰醉蟹煱...)
材料包括:
沙魚唇 : 好味, 有吃魚趐+花膠的感覺, I like!
必吃的鵝肝墨魚丸及芝士牛丸
鮮製魚皮餃: 非一般街市買那些水準的魚皮餃, Siufi另一至愛
大大隻多汁白菜餃
聽聞好 "so" 的羊肉片
花雕肥牛+芽菜底
手切新鮮肥牛肉
豬肉豆腐卜
白鱔片
大大粒鮮蝦雲吞
白色牛柏葉
鮮鯪魚滑拼墨魚滑
健康鮮甜新界生菜
仲有湯底包括的魷魚so、豬紅、豬皮等等....

今晚又有一張刺身coupon, 有效期個月, 有興趣的朋友們可以跟我聯絡!! ^^

後記: 我身邊的好友經常都可以做自己喜歡的事情, 有的辭職到外國遊歷一年, 有的辭職去半年旅行, 甚至索性辭職移民離開香港, 多好!加上那些有異性冇人性個d...可憐的Siufi就只有在香港黙黙的等你們回來啊!!