北比的名字上篇- 中文名

幾個月前我問神秘人關於改名事宜，用不用交託給老爺奶奶改，他說我們自己改就行，還一直說不用急。前幾晚我睡不著，他陪我談天，終於正視這個工作!

Siufi: 你諗到改咩名未?
神秘人: 唔......(5秒後) 我提議姓「陳」!
Siufi: 費話! 唔姓陳姓咩呀?
神秘人: 跟你姓王囉!
Siufi: 好呀! (怒目中)
Siufi: 即係點呀? 肯定你呢幾個月都無諗過啦!
神秘人: 有呀! 諗緊架! (認真中......)
Siufi: 我有諗過最尾個個字，想叫桐/彤
神秘人: O甘O岩既? 我都鐘意個彤字喎, 叫「彤彤」好好聽ar! 但我鐘意三撇個個「彤」! 唔好用木字邊個個。
Siufi: 好啦，O甘叫陳咩彤好呢? 我覺得中間個字係響音好聽D!
神秘人: 欣彤?
Siufi: 呀嬌? 唔好掛?! No Way!!
神秘人: o甘叫陳七彤攞!
Siufi: (怒目中) 打麻雀呀!
神秘人: (扮)認真中......
Siufi: 叫晞彤或者曉彤如何?
神秘人: 曉彤? 咪好似做電視個個? 呢生左仔......傻下傻下，成日做大笑姑婆個個呢......
Siufi: 劉曉彤? 又係喎，O甘都係唔好喇! 費事BB第時都傻下傻下
Siufi: 晞彤係咪好D?
神秘人: 晞彤? O甘熟既? 邊個明星叫晞彤?
Siufi: 冇呀! 勁歌金曲個個新人銅奬喊到眼耳口鼻一堆個個叫曦妤之麻!
神秘人: 最好搵個字少D筆劃，容易D寫啦, 個彤字都多筆劃!

最後中文名暫定叫陳X彤, 中間想搵個響音字, 還要努力想一下......(
雖然神秘人說沒必要，不過為了尊重起見，我認為北比的名字最後還是要經老爺奶奶過目一下比較好!