醫院奇遇記

得了怪病，一直未痊癒，看了近一年的專科醫生建議抽一點組織來化驗，令我生平第一次踏進手術室，卻遇上了以下一連串意想不到，令人O嘴的奇遇：

1. 進手術室前 護士小姐問了上十次同一樣的問題：身上有沒有頸鍊、介子、耳環、假牙或任何金屬? 所有衣物包括胸圍底褲除晒未? 座上輪輢，出發前的最後一刻，另一護士小姐才問：有沒有帶隱形眼鏡? 我答：有呀! (事前那數小時根本沒人告訴我不能帶隱形眼鏡進入手術室!) 於是在毫無準備的情況下 (平常的我習慣放多一對後備即棄鏡於化粧袋，可是前幾天做姊妹那日把它移動到另一個化粧袋......)護士小姐提議拿兩個容器給我暫存隱形眼鏡 ，我問裏面的水是否眼痛水，她說是無箘水 (即係咩呢??!?!)
2. 被推進了手術室以後 護士小姐為我夾上心臟探則器，接著說：你好緊張啊? 心跳得那麼快? (天啊! 我現在是給你們開刀, 心情緊張也是正常的好嗎?)
3. 醫生於手術其間 由於我只是局部麻醉，所以整個手術仍然處於清醒狀態，聽到醫生差點被手術刀切到手指，護士小姐說：O矣O約! 小心呀! Dr Wong! 醫生答: 切親去唔到北海道就唔抵喇! 接著就是一連串閒談...包括: 我要白之戀人, 好好味架! ....得得得, 買俾你冇問題..... (拜託!! 你們專心一點好嗎?)
4. 醫生於落刀後 (因我是有感覺的!)，護士小姐突然說：Dr Wong, 有電話找你! 接著是接近兩三分鐘的對話: 係係! 剛剛做完第一個patient，而家第二個，今早個個落左250gm xxx.... (唔係掛? 你做緊手術, 點解可以聽電話? 仲講O甘耐?! 你已經落左刀，我D血流到BA BA聲...你幾時先講完????????）
5. 手術完成後 由於我是清醒的，護士小姐協助我起身，自己過床，正常地起來第一件事便望了自己傷口一眼，護士小姐立即說:不用擔心, 傷口很細的，只是沙布大而已! (嘩!!! 我是來做單邊隆乳手術的嗎?! 為何會被扎成36C似的?!?!?!)
6. 離開手術室後　被推到另一間房休息等候，突然有人走過來看看我的病歷板，然後跟我說：我是麗霞（麗孄？）呀, 你認唔認得我呀? （@#$^%$??!?!?)你覺得點呀? (麻醉藥未過，未有痛既感覺！）我是你中學同學呀! 同班同學呀!你認唔認得我個樣呀？（唔好意思呀！因為我而家無帶眼鏡，所以睇唔到你個樣！） 仲有冇同D同學聯絡? 結左婚未?而做緊咩？......一連串問題......（到底佢係乜水？！）
7. 回到日間病房　坐了收小時後，護士小姐說可以換衫離開，心情大喜，打算帶回隱形眼鏡，此時發現隱形眼鏡脹大了數倍(比我的眼簾還要大!)，根本放不進我的眼睛，神秘人即時喝止我掉了它! (可怕的是氏瓶上面寫著:給肺結核化驗用!!!)，於是我便靠著老公先生作盲公竹，帶我去坐車、吃東西、買糧餉及回家！
8. 離開醫院前　護士小姐說兩三日後去洗傷口.... (那到底是兩日後還是三日後呢?!?!)