歎為觀止!!

今日無意中到esd的留言版看到以下一則留言, 簡直歎為觀止!! (姊妹們有需要可以參考下...)

因為準備08年結婚,近日開始留意d租衫舖.因為budget有限,所以要格下價.

去金都睇,好多人,都冇乜心機睇,同埋我問過一間,好冇禮貎,d衫靚都冇用,仲要全場得一件衫靚..................如果真係租衫,我諗我都係唔會去金都.

Jewel Sui ($2888/5套),坦白講,好失望,d晚裝好一般,連婚紗都唔吸引.........同埋摸上手就覺得質地唔好.........雖然有免費試衫.........唔會考慮,有無限次轉款,包埋首飾.
荔枝角青山道682號潮流倉15樓1505-1506室(MTR C出口) tel:27460119

荃灣新娘天地($3380六套),紫盈好好招呼,知我未必即日join plan都俾我試衫,又教我點揀衫喎.一d都唔hardsell,只係介紹下d收費,衫方面我覺得唔錯,幾啱心水呀!晚裝冇分grade,拖尾唔駛加錢,但話呢個係promotion,遲d會冇,免費轉衫一次,不過媽咪同伴娘衫好多唔多.地方細咗少少...........唔包頭飾

旺角美心($2980六套),慕名而去,但有少少失望,d晚裝款唔係好得,同衫唔太多.冇得試衫,有d hardsell但都仍可接受,同其他人所講一樣,佢地唔太想人轉衫.唔包頭飾,拖尾加錢,有d晚裝都好似要加,但佔小部份
彌敦道 748號, 友成大廈 2樓 B 室 (近始創)tel:23811100

旺角愛麗絲($2988五套),candy好好人,佢知我日子未定實,佢都主動話俾我試衫,仲任試添,坦白講,佢d晚裝一般,但婚紗款唔錯,晚裝冇分grade,拖尾亦唔駛加錢,但佢話出年可能會加價啦,因為佢地開咗一段時間價錢冇調整.免費轉衫一次,可以成張單轉晒.地方幾濶落.媽咪衫都ok多.唔記得包唔包頭飾.佢得五套衫package,加多一套都只係加$380.
真係要再讚下愛麗斯,我朋友試咗好多件,我試咗一件,都冇面黑,好好笑容,今日試嗰件婚紗勁鐘意呀............佢連化粧個plan真係好平,見d相簿真係幾叮!
旺角西洋菜街222號2樓 tel:23982329

旺角倩亭($2488六套),佢地由得我自己睇,d婚紗款唔太得,晚裝都幾多款,伴娘媽咪衫都ok,價錢係全部最平我印象中唔駛三千有八套衫,任揀款,冇分grade,拖尾好似冇額外加錢.包埋頭飾

旺角英皇($2680六套),佢張宣傳單真係好leung,我都係行過經開去望,比我想像中好,may好好人,快人快語,我鐘意,佢坦白同我講我個婚期咁遲唔可以試衫住呀,咁我都好坦白講話唔會買package住呀,純粹望下款格價,佢亦冇sell我,haha.好多衫,真係好多呀,同d款真係唔錯(佢地真係要改下張宣傳單啦),婚紗款亦好多,晚裝冇分grade,但婚紗拖尾要加錢,唔記得係$200/$300/$400定$280/$380/$480咁加.媽咪衫同伴娘衫亦好多呀,地方好大.有件伴娘衫好靚,米白a line高腰裙,有條金色腰帶,後面整咗兩個好的式o既金色玫瑰花!!!!包頭飾.
今日再去,個sale同次唔同,唔係好得,婚紗款今次睇真d,唔太得.................
九龍荔枝角道19-21號二樓 tel:23811357

太子二人婚紗屋($19xx-$3xxx/五套,視乎婚紗款),老闆娘都好好人,不過$19xxd款唔太得(連佢自己都係咁話,haha),但$2xxx-$3xxx嗰d好靚呀,有兩件婚紗好鐘意呀,不過冇試上身,唔想阻住老闆娘食飯.佢d婚紗質地幾好,又新開無耐,d衫都好新淨,而家join package包兩套飾物,頭紗有一款要加錢,其他款唔駛.但晚裝款超少囉..............
九龍旺角大南街54號南苑大廈1字樓G室 tel:92702135

旺角時式($2980/六套)，加$680一件造租(任何款式)，Carmen好nice好好人，一d都唔hardsell，仲俾我任試，婚紗ok，d款唔娘，拖尾都唔使加錢，又包晒所有頭飾首飾，晚裝款多但款式一般，join左package可以任轉款，總括來說以這個價錢有這種質素都算抵!(BY澄澄)
我都有去睇,carmen真係好好人,同價錢平,造租都係$680,買走$1180,不論釘工(除非要釘水晶or用貴價材料),不過上去三次有兩次摸門釘,真係要約時間呀!!!!有得免費試衫,carman仲會努力搵d襯衫頭飾,佢手上唔夠會自己造添呀,真係好有心!我有打算喺度造租呀.............去時見到有件人地訂造買走,好靚好靚呀!!!!!!!!
revise :我同朋友擺明唔join住佢都俾我地試同傾.佢現成o既衫唔係好得,但好多人喺佢度租造,有件好靚呀個款.係高腰有袖.我諗如果join佢,我都會揀婚紗晚裝都係造租呀.我計過價錢同租愛琴海差唔多.仲俾我發現佢有件婚紗o既lace,正正係我鐘意嗰個style呀!!!!!!!!!!!!!!!!!
旺角洗衣街149號榮梅大廈1樓 tel:27499949

囍情($1980/四套，另加一套$300，拖尾當兩套計)，雖然我無預約上去，但Daisy都好好招呼，試衫都唔使俾錢，但d婚紗晚裝款都頗娘，似金都feel，一樣都包頭飾首飾，但唔係我想要的style!(BY澄澄)
上去時超多人,企都冇得企咁滯............但sale態度都唔錯,不過d款唔啱我心水.
旺角西洋菜街5號好望角大廈10樓1007室 tel:23329581

名掛(會展價$2180,原價$2880五套),招呼ok,但衫就一般,係平囉.
九龍太子上海街707-709號2樓 tel: 23097729

名婚紗(會展價$2880,原價$3680六套),招呼超好,但唔hardsell,我話考慮下都冇面黑,笑容滿面,d衫唔錯,有d婚紗仲好靚添呀!!!!吸引到我.
revise,之前會展都係呢個價,promotion未完.d婚紗好靚,摸上手質地好好,晚裝款都唔少,因為少人,佢地俾我免費試一件晚裝,其實我覺得件晚裝真係唔錯,但如果個鋼可以細d就更perfect.相對其他嚟講,佢o既晚裝比較吸引到我.而且價錢都非常好,冇分grade,拖尾唔駛加錢,包埋首飾.會列入考慮範圍之內,題外話,我今日見有人嚟還衫,但佢地check都冇check,但應該唔係還婚紗or晚裝,因為只係個大膠袋裝住,望落細細件.
Revise:今日再去睇過,冇之前咁impressive啦.覺得d款其實ok,service好好,但晚裝同婚紗未有好合心意囉............佢地個package貴返d,好似$2880有六套,但拖尾而家要加錢,$500定$800定$300呢?唔太記得啦.haha
九龍彌敦道225號2樓201-203室 tel:36940202, 36940203

顯卓(會展價$2980,原價$4480),冇得頂,由我同朋友坐低嗰刻開始睇,個sale只係講一句說話,邊位係新娘子.....冇啦,直至我地睇完所有相簿,都冇介紹過,衫款一般,所以唔會考慮.
revise!現代新娘/顯卓,初頭去現代新娘,個sale乜都冇介紹過(連plan都冇介紹),由得我自己睇,我係咁啱見到枱上有leaflet咋,佢亦冇介紹o既打算,不過無所謂,佢d衫我唔啱.顯卓,去到見到張leaflet覺得好面善,sale話同現代係同一間,我就覺得奇怪,既然係咁點解要有兩個名(通常係好o既話,分店都用同一個名啦,唔好至改名嘛,博人地唔知),印象已經麻麻,不過sale都ok,d衫都幾好咁.有好多好多好多人呀........都唔係好問到嘢.唯有先走
九龍尖沙咀金巴利道54-56號金麗閣一樓 tel: 23682891

victoria wedding center d staff好好人呀,不過唔包手飾,如果兩個package都join晒,咁就會包埋手飾,佢d晚裝幾多款,我見有條紅色紗白色裙(唔係好識形容),超靚,同未見過類以款,有免費試衫.
revise:我去到時有一pair同另外幾個女仔喺度,所以幾迫,但個sale好好,一見我喺門口睇leaflet已經走出嚟同我介紹,又話可以免費試衫,不過今日人多,可能要等一等,我話唔緊要,下次先,佢話幫我約時間,但我未知幾時會去開嗰頭,所以話唔駛,佢d婚紗款其實唔太多,有少少殘但尚可接受,晚裝款都ok.我見個準新娘試嗰兩件都幾靚.不過有d款喺旺角區都會搵到囉............package都平,$2988好似四定五件,但拖尾要另加錢................
revise: 我之後有的男朋友去睇過,但覺得d款都係還可以囉,但service真係好好,我諗咗三件婚紗加三件晚裝,都冇黑面.不過,都係未合我心意................同埋而家拖尾要加錢呀.
尖沙咀金巴利道

甜蜜蜜,staff都好好人,但d款我覺得都ok o既,但唔似victoria咁有一件咁吸引我囉.而家有promotion,$2888/5套,$3388/6套,但拖尾要加錢$380-$680呀.........有得免費試衫,但要book時間,佢話最好早一個星期喎.
尖沙咀金巴利道42號2樓

bridal dreams,d衫都幾特別,同價錢o既shop都未見過.有得免費試衫,個sale頗hardsell但又唔太願俾我試咁,所以我都係試一件算.d婚紗有污積,印象唔太好.不過佢d晚裝幾特別,試咗作粉紅色a line效果唔錯,雖然個款唔係話好叮一聲.都會考慮下佢o既. 都係三千零蚊四五件衫
revise:今日朋友試咗都幾多件下,個sale又冇面黑,仲請我食朱古力,可能同上一次唔係同一個sale啦............但評語同之前差唔多,都係咁上下.但未必會考慮.
電話: 2314 4966 地址: 尖沙咀 金巴利道70號A地鋪

紫水晶,上到去好多人,睇晒d相簿都冇乜特別鐘意.............service都ok,我見有唔少人喺度試衫呀
尖沙咀金巴利道東昌大廈(羅浮宮隔離)1樓A

盈集坊,感覺唔錯,因為去時有客,兩位sale雖然唔得閒理我,但都有時間行過嚟講d package我聽,仲係咁講唔好意思,叫我自己睇下d衫如何,遲d約過時間再上去,好多好多款,價錢都ok,好似$3xxx四件定五件.有機會要再上去睇清楚至得.

愛琴海(晚裝or婚紗$1200/$2200/$2800,男禮$780,伴娘/媽咪衫/裙褂/旗袍$580,五福褂/時款水波腳褂額外加$500,$4000以上八折,$6000以上七五折,$8000以上七折)
雖然晚裝同婚紗有分label,不過$1200佔大多數,貴d得嗰八九件,計返折頭其實唔貴,而同$1200嗰d都夠靚啦,haha,有得免費試衫,今日試咗兩件晚裝一件婚紗,件婚紗我好鐘意,因為係我一路都想要o既款,舖咗大幅lace喺面(但爭咗個大蝴蝶),好閃好靚,一件晚裝望落靚,但我著得好樣衰(係本人問題),另一件係淺綠,個cutting唔錯,我都鐘意呀.包底裙/頭紗/披肩/手套/頭飾/bow tie/腰封.佢d晚裝都幾特別同幾靚喎.不過拖尾婚紗唔太多件.唔錯唔錯,service超好,任你試之餘,佢都會叫你比較下先,亦冇面黑.
revise:又去咗愛琴海,service仍然好好,個sale認得我,亦知我今日唔會join,照俾我試衫,haha.佢話好多客都返嚟睇三五次至會join,冇所謂o架.good!!!!!!!!再試多次我件dream gown,如果佢腰線係高腰位就好啦................
另外試咗兩件晚裝,一件隻色成熟咗d,但我好鐘意個款,我叫佢不如諗下做淺色款呀,haha.另一件就紅色紗o既,比較common囉.
我發現佢地有件好得意o既褂呀.我好好好鐘意,其實佢唔算褂,類似清裝嗰d衫,大襟衫咁,好攪嘢o架!!!!!!!!!我諗過租嚟套嚟敬酒,真係好特別,不過佢係暗紅色.
尖沙咀金巴利道40號2樓 電話:23800938

溫馨 ($4480/六套,$3880/五套,小拖尾加$500,大拖尾加$800),有得免費試衫,但有d奇怪,話試婚紗就只可以試婚紗,晚裝就晚裝.我朋友試咗,service都幾好o既,但d衫太多啦,冇乜心機睇(可能又累啦).計落價錢都ok,唔算貴.但好似有人話過係黑店???唔太impressive.包底裙/頭紗/披肩/手套/頭飾/bow tie/腰封
revise service唔ok,個sale(可能係老闆都未定)額外俾offer我.試咗兩件婚紗,一件晚裝,一件旗袍.其中一件婚紗都係我鐘意o既大幅lace,呢件我覺得好過愛琴海嗰件dd,因為腰位高d呀,haha.粉紅色件晚裝係aline,後面會扣返個紗布拖尾,好靚好靚呀!!!!!!!當我同朋友話想考慮下先,個sale仍繼續push我地,另外,d衫殘咗少少囉,所以有d美中不足.但坦白講,佢真係好多衫,你講得出o既款佢都搵到俾你.勁!!!!
尖沙咀金巴利道69-71a號美園大廈一字樓a室 電話:29581123

eternity($4980/5套,$3980/4套,都會加送伴娘衫,拖尾加$500)
有人試緊衫,sale得一個,但都有招呼我地,唔記得駛唔駛試衫費添,好似要.d款都ok.
尖沙咀金巴利道73號新業廣商業大廈2樓201室 電話:34283811

perfection (1婚紗加2件衫$4888,1婚紗加3件衫$5888,有分grade,但而家可以唔駛額外加錢),冇想像中咁貴,但都唔平囉.不過d衫全部都好閃,釘工好重,sale都唔錯,雖然人多,但都有解釋package我地聽(因為有d睇唔明).對我嚟講價錢貴咗d,所以都唔會考慮呀.
尖沙咀金巴利道60號地下c舖 電話:34212408

princess ($4888/4套,$3888/3套,拖尾加$880),價錢還可以,d衫都ok o既,但又唔算好吸引到我.去時個sale都好好笑容,好似有free試衫,要book appointment.
revise 佢d衫比較popular,但都有幾件幾impressive,打算遲d book appt去試衫.
revise 幾好.d衫都多款.sale都幾好,試咗兩件晚裝兩件婚紗.款係唔錯,但價錢好似都貴咗少少呀....................
尖沙咀金巴利道42號1樓 電話:23921618

秋天的童話(仲有佢隔離嗰間薈柏?),係平,但d衫唔係好得呀...............又殘咗d喎.............service ok啦.

pretty women,唔講啦,貴之餘,又唔多理我地,懶得講...........

la mariage ($5988/5套),其實呢間我覺得貴,但佢d衫真係幾靚,比較清簡呀,佢有d唔知咩design款o既婚紗要加二三千蚊.雖然靚,但太貴,我唔會考慮囉........如果想搵誇d閃d,咁呢間就未必啱啦.service都ok,不過收試衫費,$300試兩件.
金巴利道48號B地下 電話23697778

la romance ($3880/五套)
冇我想像中咁好呀............冇乜拖尾款,婚紗唔算好靚...............
衫款唔多......................
尖沙咀堪富利士道堪富利士大廈9樓901室 tel 23699995

另外仲睇咗if love(平但衫一般),venus wedding(平但衫一般),creation(貴),marry clarie(串串地,試衫貴要$500得兩件添!),淺水灣春天(貴)

藏愛($6688/四套，分三個grade，呢個價已包middle grade，再upgrade一件婚紗加$2500)，雖然比較貴，但service真係一流，試衫個地方又大又靚，感覺好舒服，唔hardsell，婚紗好靚好閃但分grade，晚裝好多款又靚，我已經睇中一件桃紅色，全部包頭飾首飾，可轉款一次。(BY澄澄)
有分grade,我覺得有d貴呀,..............不過佢有件灰紫o既晚裝好靚,我地都係因為呢件晚裝,所以入去望望.book appt有得free試兩件衫
revise 價錢好貴,都ok靚,但其實對我嚟講唔值咁貴囉.........
金巴利道45-47號 電話227391868

Vanesse L.($4896/四套，無分grade，拖尾唔使加錢)，我係book左時間去試衫的，但入到去佢只係俾d相簿我睇，睇完晒都未有人得閒來招呼，個場比想像中細，我就自己摷d衫睇，睇完一大輪先有人問我知唔知package係點，仲話試衫要俾$50/件(一個月內join package可扣回)，最後我無試到，d婚紗一般，晚裝d款古靈精怪，可以話係特別，但我覺得唔靚，唔會考慮!(BY澄澄)

Emotion ($6388/五套，無分grade，拖尾唔使加錢)，無預約但都有人招呼，當時有兩pair人試緊，婚紗ok，晚裝款普通，綱紗的多，佢話試衫唔使錢但不停強調試完o岩就最好hold定，感覺非常hardsell，最後無試到，同埋唔包首飾。(BY澄澄)

Cocoon($6380/四套，分grade，拖尾加$500，其他唔講啦...太貴)，我只係hold左褂(單租$1980 龍鳳+$500)，試左2件eg+1件wg，真係好靚我好like，有簡約款有閃有古典，eg的款夠特別又young，but我like的都係couture line，實在負擔唔起...(BY澄澄)

hsiao($6388/六套，無分grade，無限選wg or eg，拖尾加$300，任轉款)，唔記得問個sales咩名... ，ok nice啦，佢話大部份衫出左街，叫我最好二月再來睇，wg & eg全部玩款，唔似一般婚紗店的，喜歡特別新潮出位的新娘可試試，無閃無grand的款，最後我都試左2件wg&1件eg，wg都ok我可以接受到，eg就麻麻地，可能靚的都出左街呢!(BY澄澄)

Peony($8998/六套，無分grade，拖尾加$500)，去到都有兩pair人試緊，但我地睇左一陣相簿，Karen都立刻serve我地試衫，好nice，試左2件wg&1件eg，wg好靚&可以兩著，多d變化，夠特別，eg都有d款可以兩著，但感覺相比cocoon就無咁靚，同埋唔包首飾。Cocoon($6380/四套，分grade，拖尾加$500，其他唔講啦...太貴)，我只係hold左褂(單租$1980 龍鳳+$500)，試左2件eg+1件wg，真係好靚我好like，有簡約款有閃有古典，eg的款夠特別又young，but我like的都係couture line，實在負擔唔起... (BY澄澄)

而家我首選會係愛琴海,因為無論款式同價錢都好吸引呀!!!!!!!!!!!!!
不過我會再去cwb睇下o既,haha.睇埋都可以揀定囉...................另外我都會再上去時式睇多次.

翠絲 在 星期二 四月 17, 2007 10:04 am 作了第 7 次修改

個人很佩服翠絲小姐的毅力同心機, 別計算逛店的時間, 我想寫下以上篇幅至少也要兩小時!!
為何我完全沒有那種心情??
就只是想把這些煩厭的事情盡快安排好, 那就謝天謝地了! God Bless~