打敗仗

上星期六開始病發, 徹底體會到咩叫running nose, 喝完兩包熱檸檬後也沒起色, 於是金山晚飯後回家途中跑到百佳買了幸福傷風素, 期望利用星期天最後一日假期昏迷一天可以起死回生, 結果星期天鼻水真的沒了, 喉嚨也沒痛, 人也精神了! 但睡覺前開始覺得全身發熱 (我想應該是任性的小肥牛出事了!)

今天終於打敗仗, 早上七時醒了準備返工之際, 發現自己呼吸困難, 出唔到聲, 心想可能是氣管敏感的老毛病又發作, 於是請了病假一天 (因為梁醫生從前叮祝過病發時一定要留在家休息, 不可以去空氣污濁和人多的地方 >>>即我公司=觀塘!!) 而我確實也四支冇力坐個多小時車上班。結果睡到12時多才動身到元朗探訪久遺的梁醫生，睇o左個平生係診所睇得最耐既症, 中午二時到達醫務所, 離開時已是4時正! 中間做過d咩??!? 詳情如下:

登記:5分鐘> 等醫生lunch回來:40分鐘(即係醫務所發呆)> 會見梁醫生:10分鐘> 出去再等:10分鐘>看著姑娘準備幾種工具(係俾我玩o既):10分鐘>又然後...姑娘開始叫我做肺活量測試 (要做三次), 情況就好似呀sir叫飲醉酒o既人吹波波o甘), 起初吹完姑娘以為我玩, 但我真係用o左最大力, 只不過用唔到氣之麻!! 但都吹得好少, 三次之後(每隔5-10分鐘吹一次), 姑娘唯有放棄我, 按梁醫生吩咐俾藥我吸, 個個玩具好似一個氧氣罩博住支噴霧器, 吸左兩次(10分鐘一次)> 再坐多15分鐘>又玩左3次吹波波>入去再見梁醫生, 佢問我好冇d? 我話好dd啦! 佢就話噴霧比食藥好得快d, 問我好冇? (我可以話唔好咩?!?)> 出黎之後等藥: 10分鐘, 姑娘要求我星期三覆診, 但我唔想再請病假 (因為梁醫生開office hr), 結果姑娘話問下醫生:又5分鐘>最後連開四日藥比我, 姑娘花左10分鐘時間解釋藥類服用方法, 大概如下:

1.1日3 次
2.每4小時一次
3.12小時一次
4.24小時一次
5.晚上服一次only

加埋有d要即時食再順延計時, 有d要按時開始食, 講到我頭都暈埋…加埋來回1.5小時既車程,o甘就過左一日.

p.s. 吹波波打後的環節皆發生於醫生房外, 有好多等緊既人望住…好掉臉喔~ ^^